مظلة الأدمان تشمل الجميع.
يا سلااااااام دي مصر ام الدنيا يا ولاد.
رغم ان الأدوية التي تسبب الأدمان لا تتوفر بصيدليتي اساساً، إلا ان الناس تسألني يوميا عنها وبأصرار ينال الأعجاب. فمنذ تخرجي من 10 سنين وانا يوميا اجد من يسألني عن احد الأنواع على اختلافها فتوجد الأقراص المنومة والعلاجات النفسية وبعض علاجات الشلل الرعاش والأعصاب ثم ادوية الكحة والمغص وباسطات العضلات وبعض المسكنات...الخ
كيف عرف الناس ان هذه الأدوية تسبب هذا التأثير؟ جميعهم يعرفون الأصناف بأسمائها وبدائلها، والبعض يعرف المواد الفعالة ايضاً، ولكن من ادراهم ان علاجاً للمغص او باسط للعضلات مثلاً قد يكون له هذا التأثير؟ هل جائت بالصدفة ثم اخبروا بعضهم؟ ام ان هناك خبراء يقومون بتوعية المدمنين وارشادهم للانواع اللي ممكن تعمل دمااااغ؟!!! طبعا الصيدليات التي تبيع هذه الأدوية لها مصلحة في تعريف المدمنين بالأصناف الجديدة والبدائل، بل وبعضهم ينصح بعمل خلطات "شريط من ده على نص شريط من ده هايعملوا احلى شغل" الله يحرقكوا ويحرق الشغل اللي بتعملوه على الناس.
وما لاحظته ايضاً ان الجميع يسألون عن الأصناف نفسها وبعد فترة تظهر اصناف مختلفة يسأل عنها الجميع وكأنها موضة، ففي فترة وجدت الجميع يسألون عن ادوية الكحة ( الكوديفان - التوسيفان ...الخ) ثم كله بيسأل عن سيردالود (لما كان رخيص) ثم الجميع عايز سبازمورست (وهو علاج للتقلصات) ايه اللي جابه في مخهم ماهو موجود من زمان ومحدش يعرفه؟!! واخيراً جاء الملك اللي غطى على كل القديم والجديد TRAMADOL وهو مسكن قوي، وبرضو كان موجود من زمان ومحدش يعرفه لكن دلوقتي ماشاء الله اصبح حديث المدينة على رأي مفيد فوزي.
اما طريقة سؤال الناس عن ادوية الأدمان فهي متنوعة ايضاً، فمعظمهم يعلمون اني لا ابيع شيئاً يمكن ان يسبب الأدمان لذلك وبذكاء شديد يحاول الشخص اقناعي انه يريده لأحتياج حقيقي وليس للتعاطي كأن يصف معاناته من الكحة الشديدة ومفيش حاجة جابت معاه نتيجة غير الكوديفان، او يسألك بثقة وهدوء عن علاج جيد لآلام الفقرات وبعد ان استعرض معه المسكنات الجيدة والنصائح يخبرني ان الدكتور كان كتبله مرة كبسول جاب معاه نتيجة ممتازة بس هو مش فاكر اسمه (ماهو لو حافظ الأسم هايتفقس) ويبدأ يصف الترامادول او احد بدائله وعندما اتظاهر انا بالغباء واني مش عارف النوع ده يزهق ويروح قايللي اسمه صراحةً. احد المرات جائت لي سيدة وحكت لي قصة مؤثرة بجد عن والدتها المريضة بالسرطان والتي تعاني الاماً شديدة وتحتاج ترامادول.
اعمل ايه يا ناس؟ انا تعبت من الجو ده. لن اشترك في افساد المجتمع حتى وان ظللت فقيراً طوال حياتي. لن اعطي للمدمنين ما يريدونه ولكني متأكد ان زملائي الصيادلة سوف يهتمون بهم، لذلك فهم غير قلقين من هذه الناحية ولا يشعرون ناحيتي باستياء فشكراً لهم.
هناك 3 تعليقات:
ma ana makontsh a3raf el anwa3 wa adenee 3raftha aho bamwdo3 homa bygeboha mn fan el asma2a aw el a3rad law modmn mosakaf hayd7'ol 3la el 7ag googel wa yshof elee yanasboo wa klma mn da 3la klma mn da httzbat el donia kolha wa fee masr mafeesh akter mn el klam wa el ra3' bas hya 7lwa 7'als bas el klam 3lakoo entoo b2a ya dkatra saydlneen
كان الله في العون
ربنا يهدي الجميع وشباب مصر يصبح في احسن حال علي يد الله ثم رئيسها .
إرسال تعليق