عايز حقنة تجيب من الآخر

انا في الصيدلية دلوقتي

المرضى بييجوا يطلبوا العلاج كالآتي

• عايز حباية للصداع
• لو سمحت عايز قرصين للبرد
• ظهري واجعني وعايز حاجة تجيب من الآخر
• ممكن كبسولة  مضاد حيوي
  لا ماينفعش
  ليه؟
  لازم تشتري الشريط على بعضه
  بس انا عايز حباية واحدة ماينفعش تقصلي حباية من الشريط؟
  لا غلط انك تاخد حباية واحدة لازم تمشي عليه بنظام ثابت كل 6 او8 ساعات
  خلاص شكرا مش عايز
• في حاجة سريعة للبرد؟
  ايوه هاجيبلك شريط كويس للبرد
  مفيش حقنة سريعة احسن؟
  لأ
  انا عايز حاجة تقضي عليه وقتي
  لا مفيش حاجة كده لازم تستمر على العلاج فترة
  لا شكراً اقولك اديني مجموعة للبرد
• عايز دهان يقضي على وجع الركب

الناس بتدور على حلول سريعة وسهلة لمشاكلها الصحية وإن لم يجدوا هذه الحلول يخترعونها.

مرة اخرى اجد هذا الأسلوب في التفكير هو مرآه لطريقة تفكير الناس في حل مشاكلها عموماً، وقد يكون هذا هو سبب اقبال اغلب الناس على المسابقات والسحوبات ذات الجوائز الكبيرة، وقد يكون هو ايضاً سبب تعامل اغلب الناس في البورصة المصرية والفوركس بدون سابق خبرة او دراية.

الجميع يبحث عن حقنة سريعة تجيب من الآخر مش بس لوجع الظهر لكن لجميع مشاكلهم.